ທາງການລາວວ່າ “ເປັນຫ່ວງນໍາ” ທ.ສົມບັດ

ທາງການລາວວ່າ “ເປັນຫ່ວງນໍາ” ທ.ສົມບັດ

ມະນີຈັນ
2013-01-04

ຣັຖບານ ສປປ ລາວ ໃຫ້ຄໍາຊີ້ແຈງ ເຣື່ອງການ ຫາຍຕົວໄປ ຂອງ ທ່ານ ສົມບັດ ສົມພອນ.

UN Photo/Jean-Marc

ໃນວັນທີ 21 ທັນວາ 2012 ທ່ານ Rupert Colville ໂຄສົກ ປະຈໍາ ຫ້ອງການ ກັມມາທິການ ສູງສຸດ ດ້ານ ສິທທິມະນຸດ ຂອງ ສະຫະປະຊາຊາດ ກ່າວຕໍ່ ນັກຂ່າວ ທີ່ນະຄອນ ເຈນີວາ ວ່າ “ພວກທ່ານ ມີຄວາມ ເປັນຫ່ວງ ໃນການ ຫາຍໂຕໄປ ໃນລັກສນະ ບີບບັງຄັບ ຂອງ ທ່ານ ສົມບັດ ສົມພອນ”

ທ່ານ ຢົ້ງ ຈັນທະລັງສີ ຜູ້ຕາງໜ້າ ຖາວອນ ຂອງ ສປປລາວ ປະຈໍາ ສະຫະປະຊາຊາດ ທີ່ ນະຄອນ Geneva ປະເທດ Switzerland ໄດ້ ສົ່ງຈົດໝາຍ ເພື່ອໃຫ້ຄວາມ ກະຈ່າງແຈ້ງ ກ່ຽວກັບ ການ ຫາຍຕົວໄປ ຂອງ ທ່ານ ສົມບັດ ສົມພອນ ທີ່ມີການຍົກ ຄໍາຖາມ ຂຶ້ນມາ ໂດຍຄະນະ ປະສານງານ ກົນໄກພິເສດ ສະພາ ສິດທິມະນຸດ ສະຫະປະຊາຊາຊາດ ເມື່ອວັນພຣະຫັດ ຜ່ານມານີ້.

ອີງຕາມຂ່າວ ຂອງ ວຽງຈັນທາມສ໌: ໃນ ຈົດໝາຍ ຂອງ ທ່ານ ຢົ້ງ ຈັນທະລັງສີ ເວົ້າວ່າ ຣັຖບານລາວ ມີຄວາມເປັນຫ່ວງ ຢ່າງຍິ່ງ ໃນເຣື່ອງການ ຫາຍຕົວໄປ ຂອງ ທ່ານ ສົມບັດ ສົມພອນ ແລະ ໃຫ້ຄວາມສໍາຄັນ ໃນການ ສືບສວນ ສອບສວນ ເພື່ອຄົ້ນຫາ ຄວາມຈິງ ກ່ຽວກັບ ເຫດການ ທີ່ເກີດຂຶ້ນນີ້. ຕາມຂໍ້ມູນ ຈາກ ເຈົ້າໜ້າທີ່ ທີ່ກ່ຽວຂ້ອງ ໂດຍອ້າງອີງຕາມ ກ້ອງວົງຈອນປິດ ໃນມື້ທີ່ ເກີດເຫດ ຢູ່ປ້ອມຍາມ ຕໍາຣວດ ຖນົນທ່າເດື່ອ ເຂດບ້ານ ວັດນາກ ເມືອງ ສີສັຕຕະນາກ ນະຄອນຫລວງ ວຽງຈັນ ນັ້ນໄດ້ມີການ ປະຕິບັດ ງານ ກວດກາ ຍວດຍານ ພາຫະນະ ຕາມ ປົກກະຕິ ຂອງຕໍາຣວດ ຈະຣາຈອນ. ໃນເວລາ 6 ໂມງແລງ ເຈົ້າໜ້າທີ່ ຕໍາຣວດ ຈະຣາຈອນ ໄດ້ຢຸດຣົດ jeep ຂອງ ທ່ານ ສົມບັດ ເພື່ອກວດ ໃບຂັບຂີ່ ແລະ ເອກກະສານ ປະຈໍາຣົດ ຂອງທ່ານ ຊຶ່ງເປັນ ການກວດ ຕາມຂັ້ນຕອນ ປົກກະຕິ.

ເມື່ອຖືກຢຸດຣົດ ທ່ານສົມບັດ ກໍອອກຈາກຣົດ ແລ້ວຍື່ນ ເອກກະສານ ໃຫ້ ເຈົ້າໜ້າທີ່. ເຫດການ ດັ່ງກ່າວນີ້ ແມ່ນ ກົງກັນຂ້າມ ກັບຂໍ້ມູນ ທີ່ ຄະນະ ປະສານງານ ກົນໄກພິເສດ ສະພາ ສິດທິມະນຸດ ສະຫະປະຊາຊາຊາດ ໄດ້ຮັບ, ທ່ານ ສົມບັດ ບໍ່ໄດ້ຖືກ ເຈົ້າໜ້າທີ່ ນໍາໂຕໄປ ໃນປົດຕໍາຣວດ. ພາຍຫລັງທີ່ ທາງ ເຈົ້າໜ້າທີ່ ໄດ້ກວດ ເອກກະສານ ຮຽບຮ້ອຍແລ້ວ ກໍສົ່ງຄືນໃຫ້ ທ່ານ ສົມບັດ ແລະ ທາງເຈົ້າໜ້າທີ່ ກໍ ປະຕິບັດ ງານກວດກາ ຣົດຄັນອື່ນ ຕໍ່ໄປ.

ໃນເວລາຕໍ່ມາ ກໍມີຜູ້ຊາຍ ຂີ່ຣົດຈັກ ເຂົ້າມາຈອດ ຂ້າງທາງ ໃກ້ກັບຣົດ Jeep ຂອງ ທ່ານ ສົມບັດ ແລະ ກໍຍ້າຍອອກໄປ ໂດຍໄວ ຕາມສັນຍານ ຂອງຕໍາຣວດ ຈະຣາຈອນ. ຕໍ່ມາ ບຸກຄົນ ຜູ້ດຽວ ກັນນັ້ນ ກໍຍ່າງໄປຫາຣົດ ຂອງ ທ່ານ ສົມບັດ ແລ້ວ ກໍຂັບໜີໄປ.

ອີກປະມານ 10 ນາທີ ຕໍ່ມາ ມີຣົດກະບະ ເຄື່ອນເຂົ້າມາ ພ້ອມກັບເປີດໄຟ ເຕືອນມິບມັບ ແລ້ວກໍຈອດ ຢູ່ໃກ້ກັບ ປົດຕໍາຣວດ. ມີຊາຍຄົນນຶ່ງ ເຂົ້າໄປໃນ ຣົດກະບະນັ້ນ ແລະ ອີກບຶດນຶ່ງ ກໍມີອີກ ຄົນນຶ່ງ ເຂົ້າໄປ ໃນຣົດນັ້ນ, ແລ້ວກັບ ອອກມາຄືນ ແລະ ກັບເຂົ້າໄປ ໃນຣົດກະບະ ນັ້ນອີກ ແລະ ແລ້ວຣົດ ຄັນດັ່ງກ່າວ ກໍແລ່ນອອກໄປ ໂດຍບໍ່ຮູ້ ຈຸດໝາຍ.

ພາບຈາກກ້ອງ ວົງຈອນປິດ ບໍ່ສາມາດ ຢືນຢັນໄດ້ວ່າ ແມ່ນ ທ່ານ ສົມບັດ ທີ່ເຂົ້າໄປໃນ ຣົດກະບະ ນັ້ນ. 2 ຄົນ ທີ່ເຂົ້າໄປ ໃນຣົດກະບະ ກໍບໍ່ໄດ້ ຖືກບັງຄັບ. ຄວາມຈິງນີ້ ແຕກຕ່າງ ໄປຈາກຂໍ້ມູນ ທີ່ ຄະນະ ປະສານງານ ກົນໄກພິເສດ ສະຫະປະຊາຊາດ ໄດ້ຮັບ ທີ່ກ່າວອ້າງວ່າ ທ່ານ ສົມບັດ ຖືກບັງຄັບ ໃຫ້ຂຶ້ນ ຣົດກະບະ ຄັນນັ້ນ.

Copyright © 1998-2011 Radio Free Asia. All rights reserved.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: