ກອງປະຊຸມ​ປະ​ຈໍາປີ​ຂອງ​ຄະນະ​ໂຄສະນາ​ອົບຮົມທົ່ວ​ປະເທດ – 5 ບັນຫາ​ສໍາຄັນ​ທີ່​ກອງ​ປະຊຸມ​ຈະ​ຍົກ​ຂຶ້ນພິຈາລະນາ.

 ຄະນະໂຄສະນາອົບຮົມສູນກາງພັກ ປປ ລາວ ໄດ້ດຳເນີນກອງປະຊຸມປະຈຳປີວຽກງານໂຄສະນາອົບຮົມທົ່ວປະເທດຂຶ້ນເມື່ອຕອນ ເຊົ້າຂອງວັນທີ 11 ຕຸລາ 2012 ທີ່ສະໂມສອນຄະນະໂຄສະນາອົບຮົມສູນກາງພັກ ພາຍໃຕ້ການເປັນປະທານຂອງສະຫາຍ ເຈືອງ ສົມບູນຂັນ ເລຂາທິການສູນກາງພັກ, ຫົວຫນ້າຄະນະໂຄສະນາອົບຮົມສູນກາງພັກ,ມີບັນດາສະຫາຍຮອງຫົວຫນ້າຄະນະ ໂຄສະ ນາອົບຮົມສູນກາງພັກ, ຫົວຫນ້າ ແລະ ຄະນະໂຄສະນາອົບຮົມ ຂັ້ນແຂວງ ແລະ ຫົວຫນ້າໂຄສະນາອົບຮົມຈາກ 51 ເມືອງຈຸດ ສຸມທົດລອງພ້ອມດ້ວຍພະນັກງານຂັ້ນສູນກາງທີ່ເຮັດວຽກງານໂຄສະນາອົບຮົມເຂົ້າຮ່ວມ 200 ກວ່າຄົນ. ໂອກາດກ່າວໄຂ ກອງ ປະຊຸມຢ່າງເປັນທາງການສະຫາຍ ເຈືອງ ສົມບູນຂັນ ໄດ້ຍົກໃຫ້ເຫັນ 5 ບັນຫາສຳຄັນທີ່ກອງປະຊຸມໄດ້ພ້ອມກັນຄົ້ນຄວ້າ, ພິຈາລະ ນາ ແລະ ຕົກລົງຮັບຮອງເອົາຄື:

1. ສັງເກດຕີລາຄາສະພາບການເຄື່ອນໄຫວວຽກງານໂຄສະນາອົບຮົມທົ່ວປະເທດໃນ 1 ປີຜ່ານມາ.

2. ກຳນົດທິດທາງການປັບປຸງພາລະບົດບາດຂອງຄະນະໂຄສະນາອົບຮົມຂັ້ນສູນກາງ ແລະ ຂັ້ນແຂວງ – ນະຄອນຫລວງໃນຊຸມປີຕໍ່ ຫນ້າ.

3. ຄົ້ນຄວ້າພິຈາລະນາຮັບຮອງເອົາແຜນການວຽກງານຈຸດສຸມສຳລັບສົກປີ 2012-2013.

4. ຮັບຟັງການເຜີຍແຜ່ ແລະ ຄົ້ນຄວ້າເຊື່ອມຊຶມມະຕິ 03 ຂອງກົມການເມືອງສູນກາງພັກກ່ຽວກັບວຽກງານ 3 ສ້າງ ແລະ 5 ກອງ ປະຊຸມຈະໄດ້ພ້ອມກັນຄົ້ນຄວ້າກຳແຫນ້ນຂໍ້ຕົກລົງຂອງຄະນະເລຂາທິການສູນກາງພັກ ເລກທີ 07 ສະບັບລົງວັນທີ 8/10/2012 ກ່ຽວກັບການອະນຸມັດໃຫ້ຄະນະໂຄສະນາອົບຮົມສູນກາງພັກດຳເນີນໂຄງການອົບຮົມຄວາມຮູ້ພື້ນຖານດ້ານການເມືອງການປົກຄອງ ແລະ ການສ້າງບ້ານພັດທະນາໃຫ້ແກ່ສະມາຊິກພັກ,ພະນັກງານ ແລະ ປະຊາຊົນຢູ່ຮາກຖານບ້ານ.

1. ປີຜ່ານມາເຖິງແມ່ນວ່າຈະມີຄວາມຫຍຸ້ງຍາກ ແລະ ຂໍ້ຈຳກັດດ້ານງົບປະມານ – ການເງິນ ແລະ ອຸປະກອນຮັບໃຊ້ຕ່າງໆກໍ່ຕາມ, ແຕ່ຄະນະໂຄສະນາອົບຮົມແຕ່ລະຂັ້ນໄດ້ຕັ້ງຫນ້າຈັດຕັ້ງ ແລະ ນຳພາວຽກງານຂອງຕົນເປັນຢ່າງດີ ແລະ ມີຜົນສຳເລັດທີ່ພົ້ນເດັ່ນ ໃນຫລາຍດ້ານເປັນຕົ້ນແມ່ນຜົນສຳເລັດໃນການຈັດຕັ້ງຄົ້ນຄວ້າເຊື່ອມຊຶມມະຕິ IX ຂອງພັກ , ວຽກງານອົບຮົມ, ໂຄສະນາປາຖະ ກະຖາ, ວຽກງານຂໍ້ມູນຂ່າວສານ, ວາລະສານ, ວຽກງານປັບປຸງກົງຈັກການຈັດຕັ້ງພະນັກງານ, ວຽກງານປັບປຸງພື້ນຖານໂຄງລ່າງ, ວຽກງານພົວພັນຮ່ວມມືກັບຕ່າງປະເທດ ແລະ ພິເສດແມ່ນຜົນສຳເລັດຂອງການໂຄສະນາເຜີຍແຜ່ ປີສາມັກຄີມິດຕະພາບລາວ – ຫວຽດນາມ 2012. ສັງລວມແລ້ວ, ວຽກງານໂຄສະນາອົບຮົມແຕ່ລະຂັ້ນໄດ້ມີການຫັນປ່ຽນທີ່ຕັ້ງຫນ້າດີຂຶ້ນກວ່າເກົ່າ,ຫນໍ່ແຫນງ ປັດໄຈໃຫມ່ຂອງວຽກງານໂຄສະນາອົບຮົມ ໄດ້ຮັບການກໍ່ຮ່າງສ້າງຕົວຂຶ້ນໄປຄຽງຄູ່ກັບການພັດທະນາຊົນນະບົດ ແລະການແກ້ ໄຂຄວາມທຸກຍາກຂອງປະຊາຊົນທີ່ມີຜົນສຳເລັດຢ່າງຕໍ່ເນື່ອງ. ພະນັກງານໂຄສະນາອົບຮົມແຕ່ສູນກາງລົງຮອດທ້ອງຖິ່ນ ສ່ວນ ຫລາຍແມ່ນມີທັດສະນະຫລັກຫມັ້ນການເມືອງດີ, ມີຄວາມເຊື່ອຫມັ້ນຕໍ່ແນວທາງນະໂຍບາຍ ແລະ ການນຳພາຂອງພັກ , ເຊື່ອຫມັ້ນ ຕໍ່ຈຸດຫມາຍກ້າວຂຶ້ນສູ່ສັງຄົມນິຍົມຂອງປະເທດຊາດ, ມີຄຸນສົມບັດສິນທຳປະຕິວັດ,  ມີຄວາມຮັບຜິດຊອບໃນການປະຕິບັດ ຫນ້າ ທີ່ວຽກງານ, ບຸກບືນຜ່ານຜ່າຄວາມຫຍຸ້ງຍາກ, ຍົກລະດັບຄວາມຮູ້ທາງດ້ານທິດສະດີ, ແນວທາງ ແລະ ວິຊາສະເພາະເພື່ອ ພັດ ທະນາຕົນເອງ;ມີແບບແຜນດຳລົງຊີວິດ ແລະ ແບບແຜນວິທີເຮັດວຽກຫັນປ່ຽນທີ່ຕັ້ງຫນ້າ ແລະມີສະຕິຕື່ນຕົວປະຕິບັດ ລະບຽບວິໄນ ດີຂຶ້ນກວ່າເກົ່າ , ອັນໄດ້ເຮັດໃຫ້ວຽກງານໂຄສະນາອົບຮົມສາມາດຍາດໄດ້ຜົນສຳເລັດຫລາຍດ້ານປະກອບ ສ່ວນຢ່າງຕັ້ງຫນ້າ ໃນພາລະກິດປ່ຽນແປງໃຫມ່ຂອງພັກເຮົາ ກໍ່ຄືການປົກປັກຮັກສາ ແລະ ສ້າງສາປະເທດຊາດໄປ ສູ່ຄວາມສຳເລັດໃຫມ່ໃຫຍ່ຫຼວງ ກວ່າເກົ່າ. ກອງປະຊຸມນີ້ຈະດຳເນີນໄປຈົນຮອດວັນທີ 13/10/​2012 ຈຶ່ງຈະອັດລົງ.

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: